უკრაინის ვიცე-პრემიერი მიიჩნევს, რომ საქართველოს და მოლდოვას ევროკავშირის წევრობისთვის მოცდა მოუწევთ

უკრაინის ვიცე-პრემიერი ევროპული და ევროატლანტიკური ინტეგრაციის საკითხებში ოლგა სტეფანიშინა მიიჩნევს, რომ საქართველოს და მოლდოვას ევროკავშირის წევრობისთვის მოცდა მოუწევთ. მისი თქმით, საინტერესო იქნება ამ მიმართულებით ევროკომისიის შეფასების ნახვა, თუმცა როგორ სტეფანიშინა ფიქრობს, საქართველოსა და მოლდოვას რამდენიმე პოლიტიკური ციკლის განმავლობაში მოცდა დასჭირდებათ.

ამასთან, ვიცე-პრემიერის განმარტებით, ის ფაქტი, რომ უკრაინა, საქართველო და მოლდოვა კანდიდატის სტატუსის მინიჭების განხილვის საკითხში ევროკავშირმა ერთ პაკეტში მოაქცია, გავლენას არ იქონიებს უკრაინის ევროკავშირის მიმართულებით სვლის სიჩქარეზე.

„პაკეტის ან პაკეტ გარეშე მიდგომა არ იქონიებს გავლენას ევროკავშირისკენ ჩვენი სვლის სიჩქარეზე, იმ შემთხვევაში, თუ სკეპტიკურად განწყობილი ქვეყნები არ გამოიყენებენ ამ არგუმენტს უკრაინასთან დაკავშირებით გადაწყვეტილების გასაჭიანურებლად.

მინდა ხაზგასმით აღვნიშნო: იქიდან გამომდინარე, რომ კითხვარები გაეგზავნა უკრაინას, ასევე მოლდოვასა და საქართველოს, მაშინ როდესაც ჩვენ ვსაუბრობთ კანდიდატის სტატუსის მიღებაზე, ჩვენი ქვეყანა არ გადის არანაირ დაჩქარებულ პროცედურას. თუმცა ჩვენ ნამდვილად სწრაფად გავართვით თავი კითხვარის შევსებას, იქიდან გამომდინარე, რომ თანმიმდევრულად ვმუშაობდით გასულ წლებში ასოცირების შეთანხმების შესრულებაზე და მივაღწიეთ არსებით პროგრესს ევროკავშირთან სექტორულ ინტეგრაციაში.

ევროკავშირი ერთნაირად ობიექტურად უნდა მიუდგეს როგორც საქართველოს, ასევე მოლდოვასა და უკრაინას. როდესაც მე ვსაუბრობ ჩემს ქვეყანაზე, დარწმუნებული ვარ იმაში, რომ დღეს საჭირო არ არის დამატებითი დასკვნების წერა, რათა დავინახოთ, რამდენად სურთ ჩვენს მოქალაქეებს ევროკავშირში. არსებობს გარკვეული ფასეულობები, რომლებიც უკვე უპირობოა. საქართველოსა და მოლდოვას პოზიცია კი ევროკავშირის სანქციებთან მიერთების ნაწილში, ზოგადად ევროკავშირის უსაფრთხოებისა და თავდაცვის პოლიტიკასთან მიერთების ნაწილში უნდა შეფასდეს ობიექტურად ამ ქვეყნების ევროკავშირში გაწევრიანების მზაობის თვალსაზრისით.

იცით, როდესაც მე რუსეთის სრულმასშტაბიან შემოჭრამდე, ნატოს მადრიდის სამიტისთვის ვემზადებოდი, ნატოს ერთ-ერთმა გენერალმა მომიყვა, როგორ მიიღება ალიანსში გადაწყვეტილება წევრობასთან დაკავშირებით: სამი პოლიტიკური ციკლის შემდეგ. ანუ როდესაც სამი პრეზიდენტი, სამი პრემიერ-მინისტრი თანმიმდევრულად ავითარებს ევროპული და ევროატლანტიკური ინტეგრაციის კურსს, ახდენს ღირებულებებისადმი ერთგულების დემონსტრირებას, მაშინ მეოთხე პოლიტიკურ ციკლში ხდება გასაგები - გარკვეული პოლიტიკური სისტემა დაფუძნდა.

უკრაინასთან მიმართებით ასეთი განცდა მე მაქვს და რაც შეეხება სხვა ქვეყნებს, მე ვისურვებდი მენახა ევროკომისიის შეფასება და ვფიქრობ, რომ რამდენიმე პოლიტიკური ციკლის განმავლობაში მოცდა საჭირო იქნება“,- განაცხადა სტეფანიშინამ.

ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ქართული პრესის მიმოხილვა 26.01.2023
ჯეიმი ფლაი - უკრაინელებმა მთელი მსოფლიო დაარწმუნეს, რომ მზად არიან დაიცვან თავის ქვეყანა, მიუხედავად საშინელი საფრთხისა, რომლის წინაშეც იდგა უკრაინის ბევრი ოფიციალური პირი და უკრაინელი ხალხი
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
SWEFLAND Group ონკოლოგიური დაავადებების მქონე ბავშვებისთვის - ურთიერთშეთანხმების მემორანდუმი სოლიდარობის ფონდთან
IDS ბორჯომსა და საქართველოს სათხილამურო ფედერაციას შორის პარტნიორობის მემორანდუმი გაფორმდა