შრი-ლანკაში პრემიერ-მინისტრის გადადგომის მიუხედავად, აქტივისტები დემონსტრაციების გამართვას არ წყვეტენ. ბოლო ინფორმაციით, საპროტესტო აქციების დროს სულ მცირე 7 ადამიანი დაიღუპა, 190-ზე მეტი კი დაშავდა.

ამასთან, BBC-ის ინფორმაციით, აქტივისტებმა შრი-ლანკაში ყოფილი პრემიერ-მინისტრისა და მმართველი პარტიის რამდენიმე დეპუტატის სახლები დაწვეს.

აქციის მონაწილეებმა ასევე სცადეს პრემიერ-მინისტრის რეზიდენციის აღება, რასაც ხელისუფლების მომხრეებსა და მოწინააღმდეგე დემონსტრანტებს შორის შეტაკება მოჰყვა.

ცნობისთვის, ეკონომიკური კრიზისის გამო აგორებული მასობრივი საპროტესტო აქციების ფონზე, შრი-ლანკის პრემიერ-მინისტრი მაჰინდა რაჯაპაკსა თანამდებობიდან გადადგა. ქვეყანაში „კომენდანტის საათი“ მოქმედებს.

აქტივისტების ნაწილი მოითხოვს, თანამდებობა დატოვოს პრეზიდენტმა გოტაბაია რაჯაპაკსამ, რომელიც გადამდგარი პრემიერ-მინისტრის ძმაა.