გაეროს გენერალურმა ასამბლეამ ხმათა უმრავლესობით, ადამიანის უფლებათა საბჭოში, რუსეთის ჩეხეთით შეცვლას დაუჭირა მხარი. ინფორმაციას დასავლური მედია აქვეყნებს.
დღეს გამართული ფარული კენჭისყრისას გენერალური ასამბლეის 193 წევრიდან 157-მა ქვეყანამ ჩეხეთის სასარგებლოდ მისცა ხმა, 23-მა თავი შეიკავა.
აღსანიშნავია, რომ ჩეხეთის რესპუბლიკა ერთადერთი კანდიდატი იყო.
შეგახსენებთ, 7 აპრილს ასამბლეამ აშშ-ს მიერ ინიცირებული რეზოლუცია დაამტკიცა, რის მიხედვითაც უკრაინაში განხორციელებული ქმედებების გამო ადამიანის უფლებათა საბჭოში რუსეთს წევრობა შეუჩერდა.