თორნიკე შარაშენიძე - ომი ალბათ, სერიოზულად გაიწელება - ტერმინია ასეთი: „ომი გამოფიტვაზე“ , რაც ყველაზე კოშმარული ომია

ომი ალბათ, სერიოზულად გაიწელება - ტერმინია ასეთი: „ომი გამოფიტვაზე“, ვინ უფრო გამოიფიტება, რაც ყველაზე კოშმარული ომია, - ამის შესახებ საგარეო პოლიტიკის ექსპერტმა, თორნიკე შარაშენიძემ „პალიტრანიუსის“ გადაცემა „რეზიუმეში“ განაცხადა.

როგორც შარაშენიძემ აღნიშნა, რუსეთი ფიქრობს, რომ შეძლებს უკრაინის გამოფიტვას, ხოლო დასავლეთი და უკრაინა იმედოვნებენ, რომ რუსეთი გამოიფიტება.

„ლენდ-ლიზი“ კარგია, მაგრამ სიმბოლური მნიშვნელობისაა, ამერიკა ისედაც ეხმარებოდა უკრაინას. ერთი რაღაც გაირკვა, ეს ომი ალბათ, სერიოზულად გაიწელება. ეს ომი, რა თქმა უნდა, გამოფიტავს რუსეთს და სამწუხაროდ, ძალიან დააზარალებს უკრაინას, ქვეყნის თითქმის ნახევარი მიწასთან არის გასწორებული.

ასე მარტივად ტერიტორიების დაბრუნება ვერ წარმომიდგენია. რუსეთისთვის ყირიმი „წითელი ხაზი“ იქნება. არ გამოვრიცხავ იქ, ქიმიური კი არა, ტაქტიკურ-ბირთვული იარაღიც გამოიყენოს. იტყვის, „ეს უკვე ჩემი ტერიტორიაა“ და მას დოკუმენტი უწერია, ვინც მის ტერიტორიას შეეხება, ბირთვულ იარაღს გამოიყენებს. სამწუხაროდ, მათგან არაფერია გამორიცხული. ბირთვული იარაღის გამოყენება რუსეთისთვის აბსოლუტური მორალური კრახი კი იქნება, მაგრამ საუბედუროდ, ამას უამრავი ადამიანი შეეწირება. რუსეთი ყირიმის დაკარგვას არ დაუშვებს. ცხადია, უკრაინა ტერიტორიას არ დათმობს, მათ გაიარეს უკან მობრუნების წერტილი, რუსეთიც ასე მარტივად არ წავა უკან.

რუსეთი იმედოვნებს, რომ უკრაინას ისე გამოფიტავს და ისე გაასწორებს მიწასთან მის ტერიტორიებს, უკრაინელები ბოლოს და ბოლოს დაიღლებიან. უკრაინა და დასავლეთიც იმედოვნებენ, რომ თვითონ რუსეთი გამოიფიტება. ტერმინი არის ასეთი ომი გამოფიტვაზე, ვინ უფრო გამოიფიტება, ეს არის ყველაზე კოშმარული ომი“, - განაცხადა თორნიკე შარაშენიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024