მიხეილ სააკაშვილის ადვოკატი - ხელისუფლება შეურაცხყოფას აყენებს თავის მორჩილ სასამართლო სისტემას და მოსამართლეებს

ხელისუფლება შეურაცხყოფას აყენებს თავის მორჩილ სასამართლო სისტემას და მოსამართლეებს. მხარეებთან მაინც ელემენტარული, სახის შენარჩუნების საშუალებას არ აძლევს, რომ მოსამართლეები სხდომათა დარბაზში სასაცილოდ არ გამოიყურებოდნენ, -ასე აფასებს მესამე პრეზიდენტის ადვოკატი დიმიტრი საძაგლიშვილი, მოსამართლე ნინო ჩახნაშვილის გადაწყვეტილებას, რომლის თანახმად მან მიხეილ სააკაშვილთან ციხეში ექსპერტების დაშვების თაობაზე გადაწყვეტილების გამოცხადება 16 მაისისთვის გადადო.

როგორც დიმიტრი საძაგლიშვილმა აღნიშნა, ამაზრზენია, თუ რა მდგომარეობაში აგდებს ხელისუფლება მოსამართლეებს, კონკრეტულ შემთხვევაში კი, ნინო ჩახნაშვილს.

„მოსამართლე გავიდა სათათბიროდ. უნდა გამოსულიყო 15 წუთში და ვნახეთ ერთ საათიანი შუალედი. ერთი საათის შუალედში მოსამართლე გამოვიდა და ისევ გაუგებარი მიზეზით გვითხრა, რომ გადაწყვეტილებას მიიღეს 16 მაისს. როგორც ჩანს, ხელისუფლებამ არ იცის, რა გადაწყვეტილება უნდა მიიღოს დღეს და შესაბამისად, საერთოდ არ უფრთხილდება მოსამართლის ავტორიტეტს, პრესტიჟს, მხარეთა თვალში ფორმალურად მაინც, ელემენტარული პატივისცემის გამოწვევას. დღევანდელ სასამართლო სხდომაზე ძალიან აშკარა იყო, რომ მოსამართლე არ იღებდა ამ გადაწყვეტილებას. თამამად შეგვიძლია ვთქვათ, რომ უხეშად დაარღვია კანონის მოთხოვნა, იმიტომ, რომ მას შუამდგომლობაზე პასუხი 48 საათის განმავლობაში უნდა გაეცა. პასუხი ვერ გაგვცა, ამ შუამდგომლობაზე რა სამართლებრივი ნორმის საფუძველზე მოხდება გადაწყვეტილების გამოცხადება 16 მაისს და არა, დღეს ან ხვალ. გვითხრა, რომ პროცესი გადადებულია და ის არ აპირებს რაიმე განმარტების გაკეთებას“, - განაცხადა საძაგლიშვილმა.

ამასთან, ადვოკატი გამოეხმაურა იუსტიციის სამინისტროს განცხადებას, სადაც უწყება კიდევ ერთხელ მოუწოდებს მიხეილ სააკაშვილს, „ისარგებლოს მისი ჯანმრთელობის დაცვისკენ მიმართული, შეთავაზებული სამედიცინო მომსახურებით დათქმების გარეშე“.

დიმიტრი საძაგლიშვილის თქმით, დაცვის მხარეს მესამე პრეზიდენტთან მიმართებით არ დაუსახელებია პრივილეგიები, რაც კანონმდებლობით გათვალისწინებული არ არის, მათ მოითხოვეს სააკაშვილის უფლებების დაცვა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს