უკრაინას სჭირდება 500-დან 600 მილიარდამდე ევრო რეკონსტრუქციისთვის. ამის შესახებ ევროკომისიის მაღალჩინოსანი აცხადებს და დასძენს, რომ ევროკავშირი დაფარავს ამ თანხის მნიშვნელოვან ნაწილს. იუწყება გამოცემა „პოლიტიკო“.
მარაკეშში სიტყვით გამოსვლისას ევროპული კომისიის აღმასრულებელი ვიცე - პრეზიდენტის, ვალდის დომბროვსკის განცხადებით, „ასეთი ძალისხმევა მოითხოვს საერთაშორისო საზოგადოების, ასევე ევროკავშირისგან კოორდინაციას“.
„ჩვენ მზად ვართ ამ კოორდინაციის განსახორციელებლად“ , - აღნიშნა დომბროვსკიმ.
მისივე თქმით, ევროკავშირი ასევე გაწევს მსხვილ და ძალიან მნიშვნელოვან მხარდაჭერას ამ მოთხოვნათა დასაკმაყოფილებლად რეკონსტრუქციისთვის.