საფრანგეთის საგარეო საქმეთა მინისტრი - მსოფლიო ლიდერები გახანგრძლივებულ კონფლიქტთან გასამკლავებლად უნდა მოემზადონ, განსაკუთრებით მის შედეგებთან, სურსათით მომარაგების მიმართულებით

საფრანგეთის საგარეო საქმეთა მინისტრის განცხადებით, მსოფლიო ლიდერები გახანგრძლივებულ კონფლიქტთან გასამკლავებლად უნდა მოემზადონ, განსაკუთრებით მის შედეგებთან, სურსათით მომარაგების მიმართულებით. ამის შესახებ ჯან ივ ლე დრიანმა დიდი შვიდეულის საგარეო საქმეთა მინისტრების სამიტის ფარგლებში განაცხადა.

„ჩვენ ახლა უნდა გავუმკლავდეთ კონფლიქტს, რომელსაც გაგრძელების პერსპექტივა აქვს და აქედან გამომდინარე, გრძელვადიან პერსპექტივაში ამ კონფლიქტის შედეგებთან გამკლავება უნდა შევძლოთ საერთაშორისო დონეზე, კონკრეტულად კი სასურსათო უსაფრთხოების ნაწილში“, - განაცხადა საფრანგეთის პირველმა დიპლომატმა.

ლე დრიანის თქმით, ახლა საერთაშორისო დისკუსიის ფოკუსი საკვების პროდუქტების გაზრდილი ფასები უნდა იყოს, იმ ფონზე, როდესაც საერთაშორისო ორგანიზაციები საკვების გლობალურ კრიზისზე ალაპარაკდნენ.

მისივე თქმით, დიდი შვიდეულის ქვეყნები რუსეთთან ომში არ არის, თუმცა ამ ომში არის აგრესორი და არის მსხვერპლი და აღნიშნული ქვეყნები დგანან იმ ქვეყნის გვერდით, რომელზეც თავდასხმა ხორციელდება.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო