პენტაგონის ინფორმაციით, აშშ-ს თავდაცვის მდივანი ლოიდ ოსტინი უკრაინაში რუსეთის შეჭრის შემდეგ თავის რუს კოლეგას პირველად ესაუბრა. ამის შესახებ ინფორმაციას CNN-ი ავრცელებს.
"13 მაისს, თავდაცვის მდივანი ლოიდ ოსტინი რუსეთის თავდაცვის მინისტრ სერგეი შოიგუს ესაუბრა პირველად, 18 თებერვლის შემდეგ", - განაცხადა პენტაგონის პრესმდივანმა ჯონ კირბიმ თავის განცხადებაში.
მათივე ინფორმაციით, ოსტინმა ,,მოუწოდა, დაუყოვნებლივ შეწყვიტოს ცეცხლი უკრაინაში და კომუნიკაციების შენარჩუნების მნიშვნელობას ხაზი გაუსვა".