აშშ-ის პრეზიდენტი ჯო ბაიდენი ფინეთის პრეზიდენტ საული ნიინისტოს და შვედეთის პრემიერ-მინისტრს მაგდალენა ანდერსონს ტელეფონით ესაუბრა.
ამის შესახებ ფინეთის პრეზიდენტი საული ნიინისტო "ტვიტერზე" წერს.
მისივე თქმით, ლიდერებმა ფინეთის ნატოში გაწევრიანების შესახებ საკითხები და უკრაინაში მიმდინარე ომი განიხილეს.
,,მქონდა ერთობლივი სატელეფონო საუბარი აშშ-ის პრეზიდენტ ჯო ბაიდენთან და შვედეთის პრემიერ-მინისტრ მაგდალენა ანდერსონთან. ჩვენ უკრაინაში რუსეთის ომის გამო ღრმა შეშფოთებას ვიზიარებთ. მე ნატოს წევრობისკენ ფინეთის შემდეგი ნაბიჯები განვიხილე. ფინეთი, შეერთებული შტატების ყველა საჭირო მხარდაჭერას აფასებს", - წერს ნიინისტო.