უკრაინის პრემიერ-მინისტრმა დენის შმიგალმა ევროკომისიის პრეზიდენტთან ურსულა ფონ დერ ლაიენთან თავდაცვით და ფინანსურ სფეროებში თანამშრომლობის საკითხები განიხილა. ამის შესახებ მან „ტვიტერის“ გვერდზე განაცხადა.
შმიგალმა ევროკომისიის პრეზიდენტს უკრაინის მხარდაჭერაში ლიდერის პოზიციის დაკავებისთვის მადლობა გადაუხადა.
„მეგობრული საუბარი გვქონდა ურსულა ფონ დერ ლაიენთან. მადლობელი ვარ ლიდერობისთვის უკრაინის მხარდაჭერაში. განვიხილეთ თანამშრომლობის საკითხები თავდაცვით და ფინანსურ სფეროებში და ასევე ურთიერთთანამშრომლობა უკრაინის ევროკავშირში ინტეგრაციის გზაზე“,- განაცხადა შმიგალმა.