მირჩა ჯოანა - თურქეთი მნიშვნელოვანი მოკავშირეა, ამიტომ შეშფოთება, რომელიც გამოთქვა, განიხილება ჩვენ შორის, როგორც მეგობრებსა და მოკავშირეებს შორის - შეგვიძლია ვიპოვოთ კონსენსუსის მიღწევის პირობები

ნატო-ს გენერალური მდივნის მოადგილე მირჩა ჯოანა, რომელიც გენერალური მდივნის იენს სტოლტენბერგის ავადმყოფობის გამო ბერლინში, საგარეო საქმეთა მინისტრების არაფორმალურ შეხვედრას უხელმძღვანელებს, ოპტიმისტურად არის განწყობილი ფინეთისა და შვედეთის ალიანსში გაწევრიანების პერსპექტივის მიმართ. ამის შესახებ მან ჟურნალისტებს შეხვედრის დაწყებამდე განუცხადა.

„დარწმუნებული ვარ, რომ პარტნიორები კონსტრუქციულად მიიღებენ ფინეთისა და შვედეთის გაწევრიანების გადაწყვეტილებას, თუ ასეთი რამ მოხდება“, - განაცხადა ჯოანამ.

გენერალური მდივნის მოადგილე დარწმუნებულია, რომ თურქეთის წინააღმდეგობები, რომელიც ამ ორ სახელმწიფოს ალიანსში შესვლის დაბლოკვას დაჰპირდა, მოგვარდება.

"თურქეთი მნიშვნელოვანი მოკავშირეა, ამიტომ შეშფოთება, რომელიც მან გამოთქვა, განიხილება ჩვენ შორის, როგორც მეგობრებსა და მოკავშირეებს შორის. და დარწმუნებული ვარ, რომ თუ ეს ქვეყნები (შვედეთი და ფინეთი) გადაწყვეტენ - და ეს, როგორც მე ვიცი, მოხდება უახლოეს დღეებში - ჩვენ შეგვიძლია ვიპოვოთ კონსენსუსის მიღწევის პირობები“, - განაცხადა მან.

მირჩა ჯოანამ დასძინა, რომ ნატო-ს წევრებმა უკვე გამართეს მოლაპარაკებები შვედეთისა და ფინეთის წარმომადგენლებთან.

შეგახსენებთ, თურქეთის პრეზიდენტმა რეჯეფ თაიფ ერდოღანმა აღნიშნა, რომ თურქეთი არ არის განწყობილი დადებითად ნატო-ში შვედეთისა და ფინეთის გაწევრიანების პერსპექტივის მიმართ.

ვიტალი ბალა - კიევისთვის უკრაინა-რუსეთის ომში ჩინეთის მოდერატორობა მიუღებელია
ქართული პრესის მიმოხილვა 20.03.2023
ლევან ლორთქიფანიძე - აშკარაა, რომ „ქართული ოცნება“ კონსერვატიულად და ევროსკეპტიკურად განწყობილი ამომრჩევლის ხარჯზე აპირებს მომავალ არჩევნებზე წარმატების მოპოვებას
ჯანმოს ახალ ინიციატივებს ჯანდაცვის ექსპერტები აკრიტიკებენ
პირველად საქართველოში, ბაზისბანკმა, სუბორდინირებული კორპორატიული სავალო ფასიანი ქაღალდი წარმატებით განათავსა
Bolt და Visa-ს ერთობლივი კამპანია დაიწყო
TNET-მა საქართველოში პირველი Super app წარადგინა
Golden Tulip Design Tbilisi საქართველოში პირველი სასტუმროა, რომელიც NFT პლატფორმაზე იქნება წარმოდგენილი
საქართველოში სრულიად ახალი კონცეფციის მქონე დეველოპერული კომპანია შეიქმნა
Apple-მა თვალისმომჭრელ ყვითელ ფერში ახალი iPhone 14 და iPhone 14 Plus-ი წარმოადგინა