მეტი იარაღი და სხვა დახმარება უკრაინისკენ მიმავალ გზაზეა, - ამის შესახებ უკრაინის საგარეო საქმეთა მინისტრმა დმიტრო კულებამ თავის ამერიკელ კოლეგასთან ენტონი ბლინკენთან შეხვედრის შემდეგ განაცხადა.

უკრაინის პირველი დიპლომატი აშშ-ს სახელმწიფო მდივანს გერმანიის დედაქალაქ ბერლინში შეხვდა, სადაც ნატო-ს საგარეო საქმეთა მინისტრები შაბათ-კვირას არაფორმალურ შეხვედრას მართავენ.

„ჩვენ შევთანხმდით, რომ მჭიდროდ ვითანამშრომლოთ, რათა უკრაინული სურსათის ექსპორტირება უზრუნველვყოთ აფრიკისა და აზიის მომხმარებლებისთვის. მადლობა მდივან ბლინკენს და აშშ-ს მათი ლიდერობისა და ურყევი მხარდაჭერისთვის“, - აღნიშნა კულებამ „ტვიტერის“ საკუთარ გვერდზე.