იენს სტოლტენბერგი - ნატო ყურადღებით აკვირდება რუსეთის ქმედებებს
მას შემდეგ, რაც რუსეთმა დაიწყო არაპროვოცირებული შეჭრა უკრაინაში, მან ვერ მიაღწია მის მიერ დასახულ ვერცერთ მიზანს უკრაინის ტერიტორიების დაკავებისა დ ნატოს ერთიანობის დარღვევის კუთხით. ამის შესახებ ნატოს გენერალურმა მდივანმა იენს სტოლტენბერგმა ბერლინში გამართული ალიანსის საგარეო საქმეთა მინისტრების არაფორმალური შეხვედრის შემდეგ პრესკონფერენციაზე განაცხადა.
ის, ჯანმრთელობის მდგომარეობის გამო, შეხვედრას ვირტუალურად დაესწრო.
BBC-ის ინფორმაციით, გენერალურმა მდივანმა განაცხადა, რომ ნატო ყურადღებით აკვირდება რუსეთს და მზად არის იმოქმედოს, თუკი რუსეთი დაიწყებს რაიმე სახის თავდასხმას ნატოს წევრებზე.
მისი თქმით, შვედეთისა და ფინეთის ნატოში გაწევრიანებას გააჩნია მნიშვნელობა ალიანსისთვის და ალიანსი მოძებნის საშუალებებს, უზრუნველყოს უსაფრთხოების გარანტიები ბალტიის რეგიონში.
სტოლტენბერგის აღნიშნული კომენტარი გაკეთდა მას შემდეგ, რაც ფინეთმა დაადასტურა, რომ ალიანსში გაწევრიანების შესახებ განაცხადს გააკეთებს.
ასევე, ცნობილია ვლადიმერ პუტინის კომენტარი, რომელმაც ამ ნაბიჯს შეცდომა უწოდა.
v-if="article.gallery" v-html="article.gallery"
