თვის დასაწყისში, წვრთნების შემდეგ, ბელარუსმა უკრაინის საზღვრის გასწვრივ სპეციალური ოპერაციების ძალების ასევე საჰაერო თავდაცვის, საარტილერიო და სარაკეტო დანაყოფების ქვეყნის დასავლეთში მდებარე საწვრთნელ პოლიგონებზე დისლოცირების შესახებ განაცხადა, - ამის შესახებ გაერთიანებული სამეფოს თავდაცვის სამინისტროს დაზვერვის ინფორმაციაშია აღნიშნული.

„ბელარუსის ჯარების საზღვართან ყოფნა, სავარაუდოდ, გაართულებს უკრაინული ჯარების განლაგებას დონბასში ოპერაციების მხარდასაჭერად,“- აცხადებენ ბრიტანეთის თავდაცვის უწყებაში.

მათივე ინფორმაციით, ბელარუსული ძალები უშუალოდ კონფლიქტში არ მონაწილეობდნენ. „თუმცა, ბელარუსის ტერიტორია გამოიყენებოდა, როგორც პლაცდარმი რუსეთის წინსვლისთვის კიევსა და ჩერნიგოვში. რუსეთმა ასევე განახორციელა სარაკეტო და ავია დარტყმები ბელარუსიდან. ბელარუსის პრეზიდენტი ლუკაშენკო, სავარაუდოდ, აბალანსებს რუსეთის შეჭრის მხარდაჭერას, რათა თავიდან აიცილოს პირდაპირი სამხედრო მონაწილეობა დასავლეთის სანქციების, უკრაინის საპასუხო ქმედებისა და ბელარუსის სამხედროების შესაძლო უკმაყოფილების რისკის გამო,“- ნათქვამია ინფორმაციაში.