ვლადიმერ პუტინი - ნატო გამოიყენება როგორც საგარეო პოლიტიკის ინსტრუმენტი ერთი ქვეყნის მიერ - საკმაოდ დაჟინებით, ოსტატურად და ძალიან აგრესიულად

რუსეთის პრეზიდენტის ვლადიმერ პუტინის განცხადებით, ნატო თავისი გეოპოლიტიკის ჩარჩოებიდან გამოდის, ცდილობს გავლენა იქონიოს საერთაშორისო პროცესებზე სხვა რეგიონებში, რაც რუსეთისგან ყურადღებას მოითხოვს. ამის შესახებ მან კოლექტიური უსაფრთხოების ხელშეკრულების ორგანიზაციის(CSTO) სამიტზე ისაუბრა.

„ამ დაუსრულებელი გაფართოების პოლიტიკის პარალელურად, ჩრდილოატლანტიკური ალიანსი გამოდის თავისი გეოგრაფიული დანიშნულების ჩარჩოებიდან, ევროატლანტიკის ჩარჩოებიდან, ცდილობს სულ უფრო აქტიურად ჩაერთოს საერთაშორისო საკითხებში და კონტროლი დაამყაროს საერთაშორისო ვითარებაზე უსაფრთხოების თვალსაზრისით.

ცდილობს მსოფლიოს სხვა რეგიონებზე გავლენა არც თუ ისე საუკეთესო ფორმით იქონიოს. ეს ცალსახად საჭიროებს დამატებით ყურადღებას ჩვენი მხრიდან“,- განაცხადა პუტინმა.

ამასთან, პუტინის განცხადებით, ნატო ამერიკის შეერთებული შტატების საგარეო პოლიტიკის ინსტრუმენტად გამოიყენება და ეს ძალიან აგრესიული ფორმით ხდება.

„რაც შეეხება ჩრდილო-ატლანტიკური ალიანსის გაფართოებას, დიახ, ეს პრობლემაა, რომელიც ჩემი შეხედულებით იქმნება ძალიან ხელოვნურად, გამომდინარე იქიდან, რომ ეს ამერიკის შეერთებული შტატების საგარეო პოლიტიკური ინტერესებიდან გამომდინარე ხდება. საერთოდ, ნატო გამოიყენება როგორც საგარეო პოლიტიკის ინსტრუმენტი ერთი ქვეყნის მიერ - საკმაოდ დაჟინებით, ოსტატურად და ძალიან აგრესიულად“,- განაცხადა პუტინმა.

მისი თქმით, ეს კიდევ უფრო მეტად ამძიმებს, ისედაც რთულ საერთაშორისო ვითარებას უსაფრთხოების მიმართულებით.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს