დანიის, ისლანდიისა და ნორვეგიის ლიდერები, ფინეთისა და შვედეთის გადაწყვეტილებას ნატოში გაწევრიანებაზე განაცხადის შესახებ მიესალმნენ. ამის შესახებ ინფორმაციას CNN-ი ავრცელებს.
“ჩვენ, ფინეთისა და შვედეთის გადაწყვეტილებებს, ნატოში გაწევრიანებაზე განაცხადის შესახებ, მტკიცედ მივესალმებით. ჩვენ აღვნიშნავთ, რომ ფინეთისა და შვედეთის გადაწყვეტილებები ნატოში გაწევრიანების შესახებ არის ეროვნული სუვერენული გადაწყვეტილებები, რომლებიც შეესაბამება ფინეთისა და შვედეთის უფლებას, აირჩიონ საკუთარი უსაფრთხოების მოწყობა. ფინეთსა და შვედეთს უფლება აქვთ, გარე ჩარევის მცდელობების გარეშე გააგრძელონ გაწევრიანების პროცესი”, - ნათქვამია ქვეყნების საერთო განცხადებაში.