შვედეთის საგარეო საქმეთა მინისტრმა, ან ლინდემ ქვეყნის ნატო-ში გაწევრიანების განაცხადს ხელი მოაწერა.

„ეს ძალიან დიდი, ძალიან სერიოზული და ისეთი შეგრძნებაა, რომ მივედით იმ დასკვნამდე, რომელიც საუკეთესოა შვედეთისთვის. არ ვიცით რამდენი დრო დასჭირდება, მაგრამ ჩვენი გამოთვლით, ამას შეიძლება ერთ წლამდე დასჭირდეს. განცხადებას ფინეთთან ერთად წარვადგენთ დაახლოებით ერთ დღეში, შემდეგ კი მას ნატო განიხილავს,“- განაცხადა ან ლინდემ.

შეგახსენებთ, შვედეთის პრემიერ-მინისტრმა მაგდალენა ანდერსონმა გუშინ განაცხადა, რომ ქვეყანა მეზობელ ფინეთთან ერთად ნატოში უნდა გაწევრიანდეს, რათა შვედი ხალხის უსაფრთხოება უზრუნველყოფილი იყოს.