უკრაინულმა მხარემ დაადასტურა, რომ რუსეთის დელეგაციასთან მოლაპარაკებები შეჩერებულია

უკრაინულმა მხარემ დაადასტურა, რომ რუსეთის დელეგაციასთან მოლაპარაკებები შეჩერებულია. ამის შესახებ უკრაინის პრეზიდენტის ოფისის ხელმძღვანელის მრჩეველმა და დელეგაციის წევრმა მიხაილო პოდოლიაკმა განაცხადა.

მისი განმარტებით, რუსეთის მოთხოვნები ფრონტზე განვითარებული პროცესებისგან განსხვავებით, არ იცვლება.

„ჩვენგან განსხვავებით, რუსეთის ფედერაციამ ომის 82 დღის განმავლობაში მაინც ვერ გაიგო, რომ ვითარება უკრაინაში საერთოდ არ არის ისეთი, როგორიც იყო დასაწყისში. ისინი თავიანთ დირექტივებს არ ცვლიან, აგრძელებენ შანტაჟს, ზოგიერთ პოზიციას საჯაროდ განიხილავენ. უკრაინას რაღაც პრეტენზიებს უყუნებენ, ცხოვრობენ სამყაროში, სადაც თითქოსდა „უკრაინული ნაციზმი“ არსებობს. მსოფლიოში უკვე იციან, რომ დღეს არსებობს მხოლოდ ერთი ტიპის ნაციზმი - რუსული. დიდი ალბათობით, რაღაც დრო კიდევ გავა, რომ ჩვენ ამ პრობლემას უფრო არსებითად მივუდგეთ - რუსეთის დენაციფიკაციის პრობლემას მოლაპარაკების პროცესის ფარგლებში.

დღეს მოლაპარაკების პროცესი შეჩერებულია. სტამბოლის რაუნდის შემდეგ რაიმე სახის ცვლილება და პროცესების განვითარება არ ყოფილა. რუსეთის ფედერაცია კვლავ რჩება თავის სტერეოტიპულ აზროვნებაში. მაგრამ ნებისმიერი ომი მოლაპარაკებათა მაგიდასთან დასრულდება და ამ პროცესის მოდერირებას მოახდენს ბატონი ზელენსკი“,- განაცხადა პოდოლიაკმა.

კითხვაზე, გაითვალისწინებს თუ არა კიევი ზოგიერთი დასავლელი პოლიტიკოსის პოზიციას, რომლებსაც ომის სწრაფად დასრულება სურთ, რათა „პუტინს სახე შეუნარჩუნონ“, პოდოლიაკმა აღნიშნა, რომ „რუსეთის ფედერაცია ომის შეწყვეტას იმ ფორმით, რომელიც ზოგიერთ ევროპელს სურს, ვერ შეძლებს“.

„რაც შეეხება იმას, რომ „რამე მივცეთ“, რათა ბატონმა პუტინმა „სახე შეინარჩუნოს“, ეს შეუძლებელია. ეს ვაჭრობის საგანი არ არის, ომი არ დასრულდება თუ ჩვენ სადმე რამეს მივცემთ და ამას არ აღიქვამს უკრაინის საზოგადოება. მან ძალიან დიდი ფასი იმისთვის არ გადაიხადა, რომ რაიმე მისცეს“,- განაცხადა პოდოლიაკმა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა