ფინეთი და შვედეთი ნატოში გაწევრიანების შესახებ განაცხადს ოთხშაბათს წარადგენენ. CNN -ის ინფორმაციით, ამის შესახებ შვედეთის პრემიერ-მინისტრმა მაგდალენა ანდერსონმა სტოკჰოლმში ფინეთის პრეზიდენტ საული ნიინისტოსთან ერთობლივ

პრესკონფერენციაზე განაცხადა.

„დემოკრატიამ გაიმარჯვა“, - განაცხადა ნიინისტომ და დასძინა,

„მთელი ეს გაზაფხული იყო ფინეთის დემოკრატიის ტრიუმფი”, - რითაც მას მხედველობაში ჰქონდა დღეს ფინეთის პარლამენტში ნატოს განაცხადის შესახებ აბსოლუტური მხარდაჭერა.

„შვედეთი ასევე, მოუთმენლად ელის თურქეთთან ნატოს ფარგლებში თანამშრომლობას” , - განაცხადა ანდერსონმა.

მისი კომენტარი ეხებოდა თურქეთის პრეზიდენტის განცხადებას, რომ ის არ დაუჭერს მხარს შვედეთისა და ფინეთის ნატოში გაწევრიანებას.