რუსეთი ბალტიის ზღვის ქვეყნების საბჭოს (CBSS) ტოვებს. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.
მისი თქმით, რუსეთმა გადაწყვეტილება CBSS ჯგუფის "მტრული ქმედებების საპასუხოდ" მიიღო.
„CBSS-ში წევრობის შეწყვეტა გავლენას არ მოახდენს რუსეთის ყოფნაზე რეგიონში. ჩვენი ქვეყნის ბალტიისპირეთიდან განდევნის ნებისმიერი მცდელობა განწირულია მარცხისთვის“, - განაცხადა მან.
ცნობისთვის, ბალტიის ზღვის ქვეყნების საბჭო სამთავრობათშორისო ორგანიზაციაა, რომელიც 1992 წერს დაარსდა. მასში შედიან გერმანია პოლონეთი, ლიეტუვა, ლატვია, ესტონეთი, ფინეთი, შვედეთი, დანია, ისლანდია და რუსეთი.