ავსტრიის კანცლერმა კარლ ნეჰამერმა განაცხადა, რომ მისი ქვეყანა, რომელიც სამხედრო კუთხით ნეიტრალურია, არ აპირებს ნატოში გაწევრიანებას.

პრაღაში თავის ჩეხ კოლეგასთან შეხვედრის შემდეგ, ნეჰამერმა აღნიშნა, რომ ავსტრიის ისტორია განსხვავდება ფინეთისა და შვედეთისგან და ოფიციალური ვენა სამხედრო ნეიტრალიტეტს შეინარჩუნებს.

ავსტრიის კანცლერმა დასძინა, რომ მისმა ქვეყანამ, როგორც ევროკავშირის წევრმა, სოლიდარობა გამოავლინა უკრაინის მიმართ.

ავსტრიამ ოფიციალური კიევისთვის იარაღის მიწოდება დაუშვა და მხარი დაუჭირა რუსეთის წინააღმდეგ სანქციებს.