რეჯეფ თაიფ ერდოღანის განცხადებით, ნატომ უნდა „გაიგოს, პატივი სცეს და მხარი დაუჭიროს“ თურქეთის უსაფრთხოების საკითხს
თურქეთის პრეზიდენტი რეჯეფ თაიფ ერდოღანი ელოდება, რომ ნატო-ს წევრი ქვეყნები გაგებით მოეკიდებიან თურქეთის უსაფრთხოების საკითხს ფინეთისა და შვედეთის ნატოში განაცხადის შეტანასთან დაკავშირებით.
CNN-ის ინფორმაციით, ერდოღანმა ამის შესახებ ანკარაში, ქვეყნის პარლამენტში გამოსვლისას განაცხადა.
„ჩვენ ველოდებით, რომ ჩვენი მოკავშირეები გაიგებენ, პატივს სცემენ და მხარს დაუჭერენ ჩვენთვის მგრძნობიარე საკითხს. ჩვენ მგრძნობიარენი ვართ ტერორისტებისგან ჩვენი საზღვრების დაცვის საკითხში. ჩვენი მოკავშირეებიდან არავინ გამოავლინა პატივისცემა ამ დელიკატური საკითხისადმი, როგორც ამას ჩვენ ველოდებოდით“, - განაცხადა ერდოღანმა.
