დავით ზალკალიანმა აშშ-ის სენატორ ლინდსი გრემთან შეხვედრა გამართა

ამერიკის შეერთებულ შტატებში საქართველოს ელჩმა, დავით ზალკალიანმა აშშ-ის სენატორ ლინდსი გრემთან შეხვედრა გამართა.

ელჩის „ფეისბუქის“ გვერდზე გავრცელებული ინფორმაციის თანახმად, მხარეებმა რუსეთის მიერ საქართველოს ოკუპირებულ ტერიტორიებზე შექმნილ მძიმე ვითარებაზე და რუსეთის უკრაინის მიმართ აგრესიაზე ისაუბრეს.

დავით ზალკალიანმა სენატორს საქართველოს მტკიცე მხარდაჭერისთვის მადლობა გადაუხადა.

„ელჩმა სენატორს უკრაინისა და უკრაინელი ხალხის მიმართ საქართველოს მხარდამჭერ ქმედებებზე ინფორმაცია გაუზიარა. მხარეებმა მნიშვნელოვანი საკანონმდებლო ინიციატივები განიხილეს, როგორიცაა აშშ-ის ფისკალური წლის საბიუჯეტო კანონი და თავდაცვის ეროვნული ავტორიზაციის აქტი.

განსაკუთრებული ყურადღება საქართველოს მხარდამჭერი აქტის პერსპექტივას დაეთმო, კერძოდ შეთანხმდნენ, რომ აღნიშნულ პროცესს აშშ-ის სენატში განგრძობითი ხასიათი ექნება,“ - აღნიშნულია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს