აშშ-ის პრეზიდენტი, ჯო ბაიდენი დღეს ფინეთის პრეზიდენტს, საული ნიინისტსა და შვედეთის პრემიერ-მინისტრს, მაგდალენა ანდერსონს შეხვდება.

თეთრი სახლის მრჩეველმა ეროვნული უსაფრთხოების საკითხებში ჯეიკ სალივანმა ჟურნალისტებს განუცხადა, რომ შეხვედრა ლიდერებს ფინეთისა და შვედეთის ნატო-ში გაწევრიანების გადაწყვეტილებაზე მსჯელობის საშუალებას მისცემს.

შეგახსენებთ, ფინეთმა და შვედეთმა ნატო-ში გაწევრიანების განაცხადები გუშინ ოფიციალურად წარადგინეს.