ორმა რუსმა ჯარისკაცმა, რომლებსაც სამხედრო დანაშაულებისთვის ასამართლებენ, თავი დამნაშავედ ცნო. ამის შესახებ ინფორმაციას Sky News ავრცელებს.

ალექსანდრ ბობიკინი და ალექსანდრ ივანოვი სასამართლოს წინაშე დღეს წარდგნენ.

მათ უკრაინის ტერიტორიაზე დასახლებული პუნქტების „გრადის“ ტიპის რაკეტებით დაბომბვა ედებათ ბრალად.

ეს უკვე მეორე და მესამე რუსი ჯარისკაცია, რომელიც ომის მიმდინარეობისას სასამართლოს წინაშე წარსდგა, სერჟანტ ვადიმ შიშიმარინის შემდეგ, რომელმაც ასევე სცნო თავი დამნაშავედ 62 წლის მშვიდობიანი მოქალაქის მკვლელობისთვის.