გერმანელმა სამხედროებმა ომში დაჭრილი უკრაინელების სამკურნალოდ, პოლონეთიდან გერმანიაში, მორიგი საჰაერო რეისი განახორციელეს. ამის შესახებ ინფორმაციას გერმანული გამოცემა Deutsche Welle ავრცელებს.
გერმანიის საჰაერო ძალებმა „ტვიტერზე“ განაცხადა, რომ სპეციალური A310 MedEvac-ის თვითმფრინავი დღეს, გერმანიის ქალაქ კელნიდან აფრინდა.
მათივე ინფორმაციით, ამ დროისთვის საჰაერო ძალებმა ამ მარშრუტით, სპეციალურად აღჭურვილი თვითმფრინავით 111 პაციენტი გადაიყვანეს.
გერმანიის საჰაერო ძალებმა განაცხადეს, რომ პაციენტები ჰამბურგში უნდა გადაიყვანონ.