ევროპარლამენტმა მხარი დაუჭირა უკრაინული პროდუქტის ევროკავშირში იმპორტისთვის სავაჭრო ბარიერების დროებით გაუქმებას.
აღნიშნულ წინადადებას დღეს ევროპარლამენტში ხმა 515-მა ევროდეპუტატმა მისცა, 32 წინააღმდეგ წავიდა, 11-მა კი თავი შეიკავა. ამის შესახებ ინფორმაციას „დოიჩე ველე“ ავრცელებს.
ამასთან, ინფორმაციაში აღნიშნულია, რომ უკრაინასთან ვაჭრობის ლიბერალიზაციის შესახებ რეგლამენტი ევროკომისიამ უნდა დაამტკიცოს. მოსალოდნელია, რომ სავაჭრო ბარიერები ივნისში მოიხსნება. გამარტივებული სავაჭრო რეჟიმი კი ერთი წლის განმავლობაში იმოქმედებს.