ჯანდაცვის მსოფლიო ორგანიზაციის გენერალური დირექტორი ტედროს გებრეიესუსი რუსეთის საგარეო საქმეთა მინისტრ სერგეი ლავროვს ესაუბრა. ამის შესახებ ინფორმაცია გებრეიესუსის „ტვიტერის“ გვერდზე ვრცელდება.
მისივე თქმით, უკრაინის ალყაში მოქცეულ ქალაქებს სამედიცინო დახმარებაზე უსაფრთხო წვდომა უნდა ჰქონდეთ.
„რუსეთის მონაწილეობაზე გლობალური ჯანდაცვის საკითხებში, ჯანმო-სთან მუშაობასა და უკრაინაში ჯანმრთელობის მდგომარეობის შესახებ რუსეთის საგარეო საქმეთა მინისტრ სერგეი ლავროვს ვესაუბრე. მე მოვითხოვე მარიუპოლისთვის, ხერსონისთვის, სამხრეთ ზაპოროჟიესა და სხვა ალყაში მოქცეული რეგიონებისთვის სამედიცინო დახმარების მიღებაზე უსაფრთხო წვდომა. მშვიდობიანი მოსახლეობა უნდა იყოს დაცული“, - წერს გებრეიესუსი.