ნატოში აშშ-ის ელჩმა ჯულიანა სმიტმა განაცხადა, რომ შვედეთი და ფინეთი იდეალურ შემთხვევაში ნატოს შესაძლოა მომდევნო რამდენიმე თვეში შეუერთდნენ. ამის შესახებ ინფორმაციას Sky News აქვეყნებს.

ამერიკელი დიპლომატი დარწმუნებულია, რომ ალიანსი შეძლებს, ჩრდილო ევროპული ქვეყნების გაწევრიანების შესახებ, თურქეთის მიერ გამოთქმულ შეშფოთებას გაუმკლავდეს.

"მოკავშირე თურქეთმა გარკვეული შეშფოთება გამოთქვა. მათ უსაფრთხოების სპეციფიკური შეშფოთება აქვთ, რაც ყველა მოკავშირესთან, აქ ნატოს შტაბ-ბინაში გამოთქვეს და ჩვენ ყველანი ძალიან სერიოზულად ვეკიდებით მათ ამ შეშფოთებას,"- აღნიშნა ნატოში აშშ-ის ელჩმა.

სმიტის თქმით, ალიანსის სიძლიერე ნამდვილად ემყარება მათ უნარს, მუდმივად წამოჭრან უთანხმოება, ალტერნატიული შეხედულებები და კონსენსუსის მისაღწევად ამ უთანხმოებების გადასაჭრელად იმუშაონ.

„ყველაფერი, რასაც ნატო აკეთებს, უნდა მიღწეული იყოს კონსენსუსის გზით, თქვენ უნდა გქონდეთ მოკავშირის 30 ხმა. ასე რომ, ჩვენ 73 - წლიანი გამოცდილება გვაქვს მოკავშირეთა უთანხმოებაზე მუშაობის ირგვლივ და აქედან გამომდინარე, მე პირადად საკმაოდ დარწმუნებული ვარ, რომ ჩვენ ვიპოვით გამოსავალს", - დასძინა ნატოში აშშ-ის ელჩმა ჯულიანა სმიტმა.