რუსეთის დუმა სამხედრო საკონტრაქტო სამსახურისთვის ყველა ასაკობრივი შეზღუდვის მოხსნას განიხილავს. ინფორმაციას დასავლური მედია რუსეთის სახელმწიფო სათათბიროზე დაყრდნობით აქვეყნებს. მათივე ცნობით, ამ ნაბიჯით 40 წელზე უფროსი ასაკის რუსეთის მოქალაქეების სამხედრო სამსახურში ჩაწერას შეძლებენ.
გარდა ამისა, 30 წელზე უფროსი ასაკის უცხო ქვეყნის მოქალაქეებსაც ექნებათ რუსეთის შეიარაღებულ ძალებში შეერთების შესაძლებლობა.
„მაღალი სიზუსტის იარაღის გამოყენებისთვის, იარაღისა და სამხედრო ტექნიკის მუშაობისთვის საჭიროა მაღალპროფესიონალი სპეციალისტები. გამოცდილება აჩვენებს, რომ ასეთები 40-45 წლის ასაკში ხდებიან“, - ნათქვამია დუმას ვებგვერდზე.