ბორის ჯონსონმა და რეჯეფ თაიფ ერდოღანმა ნატო-ს გაფართოების საკითხზე ისაუბრეს

გაერთიანებული სამეფოს პრემიერ-მინისტრმა, ბორის ჯონსონმა და თურქეთის პრეზიდენტმა, რეჯეფ თაიფ ერდოღანმა სატელეფონო საუბრისას ბრიტანეთი-თურქეთის თანამშრომლობა, უკრაინის კონფლიქტზე გლობალური რეაგირება და ნატო-ს გაფართოების საკითხები განიხილეს, - ინფორმაციას ბრიტანეთის მთავრობა ავრცელებს.

მათივე ინფორმაციით, ლიდერებმა ერთმანეთს გაუზიარეს ღრმა შეშფოთება რუსეთის მიერ უკრაინის წინააღმდეგ განხორციელებული თავდასხმის და მისი შორს მიმავალი შედეგების შესახებ.

„პრემიერ-მინისტრი მიესალმა თურქეთის წამყვან როლს კრიზისის მოგვარებაში და ლიდერები შეთანხმდნენ, რომ ერთად იმუშაონ უკრაინის მარცვლეულის მარაგების ექსპორტის სასიცოცხლო მარშრუტების გახსნისა და სურსათზე გლობალური ფასების შემცირების მიზნით,“- ნათქვამია ინფორმაციაში.

მათივე ცნობით, ბორის ჯონსონმა და რეჯეფ თაიფ ერდოღანმა ნატო-ს გაფართოების საკითხზეც ისაუბრეს.

“ნატო-ს გაფართოების საკითხზე საუბრისას პრემიერ-მინისტრმა ხაზი გაუსვა იმ საფრთხეს, რასაც რუსეთი ევროპელ მეზობლებს უქმნის და განაცხადა, რომ ფინეთი და შვედეთი ნატო-ს ალიანსში ღირებული წევრები იქნებიან. მან მოუწოდა პრეზიდენტ ერდოღანს იმუშაოს შვედ, ფინელ და ნატოელ კოლეგებთან, რათა ნებისმიერი პრობლემა მომავალი თვის მადრიდის სამიტამდე გადაილახოს,”- ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს