ანარქისტებმა ავსტრიაში ატერზეეს ტბაზე მდებარე რუსეთის ყოფილი ვიცე-პრემიერისა და პუტინთან დაახლოებული პირის იგორ შუვალოვის მამული ომის წინააღმდეგ პროტესტის ნიშნად დაიკავეს. გამოცემა Salzburger Nachrichten-ის ცნობით, სახლი დაიკავეს ადამიანებმა, რომლებიც საკუთარ თავს თავისუფალი ანარქისტული ორგანიზაციების კავშირის წევრებს უწოდებენ.

აქტივისტებმა დაგმეს ომი უკრაინაში და მოითხოვეს შუვალოვის ქონების ჩამორთმევა.

„მოვითხოვთ, რომ სახლი იქნას გადაკეთებული ლტოლვილების, დეზერტირებისა და უსახლკაროების საცხოვრებლად. ასევე მოვითხოვთ, რომ შეჩერდეს ატერზეეს ტბის პრივატიზება“,- ნათქვამია განცხადებაში.

აქტივისტებმა სახლზე ბანერები წარწერით: „სოლიდარობა ლტოლვილებსა და დეზერტირებს“, „თავისუფალი წვდომა ტბაზე“ გამოფინეს.