რუსი ჯარისკაცი ვადიმ შიშიმარინი ომის დანაშაულისთვის უკრაინის სასამართლოს მიერ გამოტანილ უვადო პატიმრობას გაასაჩივრებს.
ამის შესახებ ინფორმაციას მისი ადვოკატი ვიქტორ ოვსიანიკოვი ავრცელებს.
„ეს ყველაზე მძიმე სასჯელია და ნებისმიერი საღად მოაზროვნე ადამიანი გაასაჩივრებს მას. მე სასამართლოს გადაწყვეტილების გაუქმებას მოვითხოვ “,- განაცხადა ვიქტორ ოვსიანიკოვმა.
ცნობისთვის, რუსი ჯარისკაცი, რომელსაც ომის დანაშაულის ჩადენა ედება ბრალად, უკრაინის სასამართლომ დამნაშავედ ცნო. 21 წლის ვადიმ შიშიმარინს რუსეთის უკრაინაში შეჭრისას შეუიარაღებელი მშვიდობიანი მოქალაქის, 62 წლის მამაკაცის მკვლელობისთვის სამუდამო პატიმრობა მიესაჯა.