ბრაზილიის უმსხვილეს ქალაქ სან-პაულოში, რუსეთის საკონსულოს წინ, ყალბი ყუმბარა აღმოაჩინეს. ინფორმაციას ბრაზილიური საინფორმაციო ვებგვერდი Globo ავრცელებს.

მათივე ცნობით, სპეციალური ტაქტიკური მოქმედებების ჯგუფის პოლიციის თანამშრომლებმა, რომლებიც ადგილზე ღამით გამოიძახეს, დაადასტურეს, რომ ეს ყალბი მოწყობილობა იყო.

უცნობია ვინ შეიძლება იყოს პასუხისმგებელი მომხდარ ფაქტზე.

მედია წერს, რომ ბრაზილიის პრეზიდენტმა ჟაირ ბოლსონარომ რუსეთ-უკრაინის ომთან დაკავშირებით მისი „ნეიტრალური პოზიციის“ შენარჩუნების გადაწყვეტილება ბრაზილიასთან რუსეთის მჭიდრო სავაჭრო კავშირებით გაამართლა.