დმიტრო კულება - ნაკლებად სავარაუდოა, დასავლეთს ეყოს გამბედაობა, ძალის გამოყენებით მოხსნას რუსეთის ფედერაციის საზღვაო ბლოკადა

უკრაინის საგარეო საქმეთა მინისტრის, დმიტრო კულებას განცხადებით, ნაკლებად სავარაუდოა, რომ დასავლეთის ქვეყნებს შეუძლიათ ძალის გამოყენებით გადაწყვიტონ რუსეთის ფედერაციის საზღვაო ბლოკადის საკითხი.

უკრაინული მედიის ინფორმაციით, შესაბამისი განცხადება დმიტრო კულებამ დავოსში, მსოფლიო ეკონომიკური ფორუმის ფარგლებში გამართულ ღონისძიებაზე გააკეთა.

„თუ ნატო-მ ომის ყველაზე ტრაგიკულ მომენტში არ დახურა უკრაინის ცა, მაშინ ახლა რატომ გახსნიან ისინი შავ ზღვას, რათა უკრაინიდან შეუფერხებლად მოხდეს სოფლის მეურნეობის პროდუქტების ექსპორტი? მთელი გულით მივესალმები ასეთ გადაწყვეტილებას, მაგრამ არ ვფიქრობ, რომ დასავლეთის ქვეყნებს და სხვა ქვეყნებს ექნებათ საკმარისი ძალა, გამბედაობა, რომ ეს საკითხი ძალის გამოყენებით გადაწყვიტონ“, – განაცხადა კულებამ.

მისი თქმით, იმ შემთხვევაშიც კი, თუკი უკრაინის პორტების გახსნასთან დაკავშირებით რუსეთის ფედერაციასთან შეთანხმების მიღწევა მოხერხდება, პრობლემა ის არის, რომ რუსეთის ნდობა არ შეიძლება.

„ხელიც რომ მოაწერონ გარანტიებს შეუფერხებელი გასასვლელის შესახებ, ეს არ ნიშნავს, რომ ის უზრუნველყოფილი იქნება. მათ ნებისმიერ მომენტში შეუძლიათ, დაარღვიონ შეთანხმება“, – განაცხადა დმიტრო კულებამ.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს