პარტია ,,საქართველოსთვის” საპარლამენტო გუნდის წევრები: გიორგი ხოჯევანიშვილი, ალექსანდრე მოწერელია და მიხეილ დაუშვილი საფრანგეთის ელჩს საქართველოში დიეგო კოლას შეხვდნენ. ამის შესახებ ინფორმაციას პარტია „საქართველოსთვის“ ავრცელებს.
შეხვედრაზე საუბარი შეეხო საქართველოსთვის ევროკავშირის წევრობის კანდიდატის სტატუსის მინიჭების აუცილებლობას, ევროინტეგრაციის პერსპექტივებსა და შესაძლებლობებს.
პარტია "საქართველოსთვის" წევრებმა და დეპუტატებმა აღნიშნეს, რომ დასავლელი პარტნიორების თანადგომა უმნიშვნელოვანესია საქართველოსთვის ევროკავშირის წევრობის კანდიდატის სტატუსის მინიჭებისთვის.
დეპუტატებმა საფრანგეთის ელჩს პარტია ,,საქართველოსთვის” ხედვები გააცნეს, რომელიც საქართველოში ევროინტეგრაციის გზაზე უნდა გატარდეს.
