გავრცელებული ინფორმაციით, ვალენტინ იუმაშევმა, რუსეთის ყოფილი ლიდერის ბორის ელცინის სიძემ, გასულ თვეში, ვლადიმერ პუტინის უხელფასო მრჩევლის თანამდებობა დატოვა. ამის შესახებ ინფორმაციას Reuters-ი ავრცელებს.
ბორის ელცინის საპრეზიდენტო ცენტრის აღმასრულებელი დირექტორის პირველმა მოადგილემ ლუდმილა ტელენმა განაცხადა, რომ იუმაშევმა თანამდებობა აპრილში დატოვა.
კითხვაზე, თუ რატომ დატოვა თანამდებობა, მან აღნიშნა, რომ "ეს მისი ინიციატივა იყო".
მათივე ინფორმაციით, ელცინის პრეზიდენტობის დროს, რომელიც რუსეთის პრეზიდენტი 1991 წლიდან 1999 წლამდე იყო, იუმაშევი კრემლის მრჩევლად მუშაობდა, შემდეგ კი - პრეზიდენტის ადმინისტრაციის ხელმძღვანელად.
ამასთან, როგორც ცნობილია, იუმაშევი დაქორწინებულია ელცინის ქალიშვილ ტატიანაზე.