მივესალმები რუსული ნავთობის აკრძალვაზე ევროკავშირის ლიდერების შეთანხმებას, ეს არის გარდამტეხი მნიშვნელობის გადაწყვეტილება, პუტინის ომის მანქანის პარალიზებისთვის, - ამის შესახებ ევროკავშირის უმაღლესი წარმომადგენელი საგარეო პოლიტიკის და უსაფრთხოების საკითხებში, ჯოზეფ ბორელი „ტვიტერზე“ წერს.
„ჩვენი ერთობა ჩვენი ძალაა,“- აცხადებს ბორელი.
შეგახსენებთ, ევროკავშირის ლიდერები რუსული ნავთობის იმპორტზე ემბარგოს დაწესების კომპრომისულ ვარიანტზე შეთანხმდნენ, რომელიც ნავთობის იმპორტის ორ მესამედზე მეტის აკრძალვას ითვალისწინებს. თავდაპირველად აკრძალვა არ შეეხება მილსადენებით იმპორტირებულ რუსულ ნავთობს. პაკეტის კომპრომისულ ვარიანტზე შეთანხმება უნგრეთის პოზიციის გამო მოხდა, რომელიც ნავთობის იმპორტის აკრძალვას ეწინააღმდეგებოდა.