ევროპარლამენტარი ვიოლა ფონ კრამონი ქართული ოპოზიციური პარტიების, „ლელოს“ და გიორგი გახარიას პარტია „საქართველოსთვის“ წარმომადგენლებთან ბრიუსელში გამართულ შეხვედრებს სოციალურ ქსელში ეხმიანება.
„ბოლო კვირების განმავლობაში, ბრიუსელში შევხვდი ორ ოპოზიციურ პარტიას საქართველოდან - „ლელოს” და გიორგი გახარიას პარტიას „საქართველოსთვის.“ ორივე მტკიცედ მოითხოვდა საქართველოსთვის ევროკავშირის წევრობის კანდიდატის სტატუსს, მიუხედავად დემოკრატიული უკუსვლისა, რადგან "ეს არის ისტორიული შანსი ქვეყნისთვის და ყველა პარტიულ ხაზს მაღლა დგას",- წერს კრამონი „ტვიტერში“.