ევროკავშირის უმაღლესი წარმომადგენელი საგარეო პოლიტიკასა და უსაფრთხოების საკითხებში ჯოზეფ ბორელი აცხადებს, რომ ევროკავშირის შეთანხმება რუსული ნავთობის იმპორტის უმეტესი ნაწილის შემცირების შესახებ მოსკოვს აიძულებს, ნავთობი სხვებს უფრო დაბალ ფასად შესთავაზოს.
„ჩვენ რუსეთისთვის ყველაზე მნიშვნელოვანი კლიენტი ვართ. მათ მოუწევთ, ეძებონ სხვები და რა თქმა უნდა, ფასის დაწევა მოუწევთ“, - აღნიშნა ბორელმა.
მისი თქმით, ამ გზით მოსკოვს ომის საწარმოებლად ნაკლები შემოსავალი ექნება.
შეგახსენებთ, ვენაში განლაგებულ საერთაშორისო ორგანიზაციებში რუსეთის მუდმივმა წარმომადგენელმა, მიხაილ ულიანოვმა განაცხადა, რომ მოსკოვი ნავთობის სხვა იმპორტიორებს იპოვის.