გერმანია საბერძნეთს ქვეითთა საბრძოლო მანქანებს მიაწვდის, რათა ოფიციალურმა ათენმა უკრაინას საბჭოთა ტიპის იარაღი გადასცეს , - ამის შესახებ გერმანიის კანცლერმა ოლაფ შოლცმა ბრიუსელში ევროკავშირის ორდღიანი სამიტის შემდეგ განაცხადა.
„ჩვენ საბერძნეთს გადავცემთ გერმანულ ქვეითთა საბრძოლო მანქანებს. შესაბამისი შეთანხმება უკვე გაფორმებულია საბერძნეთის პრემიერ-მინისტრთან“, - განაცხადა კანცლერმა.
შოლცს არ დაუკონკრეტებია, თუ რომელ ქვეითთა საბრძოლო მანქანებს გადასცემს ბერლინი საბერძნეთს ან კონკრეტულად რა იარაღს გადასცემს ათენი კიევს.