ლიეტუვამ ხელი მოაწერა თურქეთთან შეთანხმებას უკრაინის არმიის საჭიროებისთვის „ბაირაქტარის“ დრონის შესყიდვის შესახებ, - ამის შესახებ ლიეტუვის ეროვნული თავდაცვის მინისტრმა არვიდას ანუსაუსკასმა „ტვიტერზე“ განაცხადა.
„თურქეთში ხელი მოეწერა შეთანხმებას თურქეთის თავდაცვის სააგენტოს პრეზიდენტთან ისმაილ დემირთან ლიეტუვის ეროვნული თავდაცვის სამინისტროსთან თანამშრომლობის შესახებ. ეს შეთანხმება გზას უხსნის “ბაირაქტარების” შესყიდვას“, - წერს ანუსაუსკასი.
მისი თქმით, ამ მიზნით ლიეტუვის მოქალაქეებმა სამ დღეში თითქმის 6 მილიონი ევრო შეაგროვეს.