საფრანგეთის ელჩი უკრაინაში ეტიენ დე პონსენი ქალაქ გოსტომელს ეწვია, სადაც 24 თებერვალს რუსეთის შეჭრის შემდეგ, სასტიკი ბრძოლები მიმდინარეობდა. ამის შესახებ ელჩმა „ტვიტერის“ გვერდზე დაწერა.

ელჩის თქმით, იგი გოსტომელში უკრაინის ეროვნული გვარდიის მეთაურთან ერთად იმყოფებოდა.

„ეროვნული გვარდიის მეთაურ იური ლებიდთან ერთად ვიმყოფებოდი გოსტომელში, სასტიკი ბრძოლების ადგილზე, რომელმაც აგრესორს კიევის დაკავების საშუალება არ მისცა. პატივისცემა დამცველთა გმირულ სიმამაცეს, რომლებიც საკუთარი სამშობლოს თავისუფლებისთვის იბრძვიან“, - წერს პონსენი.