ისრაელის საგარეო საქმეთა მინისტრი, იაირ ლაპიდი აცხადებს, რომ თუ დასავლური ძალები და ირანი ბირთვულ შეთანხმებას მიაღწევენ, ეს ისრაელზე არ გავრცელდება.
„ეს ჩვენზე არანაირად არ ვრცელდება და ჩვენ ვაპირებთ ყველაფერი გავაკეთოთ, რათა დავრწმუნდეთ, რომ ირანი არ გახდება ქვეყანა, რომელიც ბირთვული იარაღის შექმნის ზღვარზე იქნება,” - აღნიშნა ლაპიდმა.
მისი თქმით, ისრაელი ირანის საფრთხეს არ მიიღებს.
„მსოფლიოს განვუცხადეთ, რომ არ გვსურს ამის მიღება. ირანი ამბობს: თქვენს ზღურბლთან ომის მოტანა შეგვიძლია, რადგან თქვენ ვერასდროს მოიტანთ მას ჩვენ ზღურბლამდე. ეს არ მოხდება, ასე არ გამოვა", – აღნიშნა ლაპიდმა.
მისი თქმით, თუ ირანი ისრაელის ზღურბლთან "ომს მიიტანს", ისრაელი საპასუხო ქმედებით უპასუხებს.
„თუ ირანელები ომს მოიტანს ჩვენს კარებთან, მაშინ ისინი იპოვიან ომს თავიანთ ზღურბლთან. თუ მისი არიდება სურთ, მაშინ ჩვენც ავარიდებთ", – აღნიშნა ლაპიდმა.