რუსეთის წყნარი ოკეანის ფლოტმა საზღვაო წვრთნები დაიწყო, რომელშიც 40-ზე მეტი საბრძოლო ხომალდი და 20 თვითმფრინავი მიიღებს მონაწილეობას, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.
მათივე ინფორმაციით, წვრთნები ერთკვირიანია და 10 ივლისამდე გაგრძელდება.
თავდაცვის უწყებაში აცხადებენ, რომ წვრთნებში ჩაერთვებიან რუსეთის სარდლობის ხომალდი მარშალ კრილოვი, ფრეგატი მარშალ შაპოშნიკოვი და ნავსაწინააღმდეგო დიდი წყალქვეშა გემებისა და კორვეტების ჯგუფი, მცირე ნავსაწინააღმდეგო წყალქვეშა გემები, ნაღმსაწინააღმდეგო ხომალდები, სარაკეტო ნავები და დამხმარე ხომალდები.