თურქეთმა საბერძნეთის ელჩი, ქრისტოდულოს ლაზარისი, საგარეო საქმეთა სამინისტროში დაიბარა, - ინფორმაციას ადგილობრივი მედია ავრცელებს.
მათივე ცნობით, ელჩი მას შემდეგ დაიბარეს, რაც საბერძნეთის ხელისუფლებამ თურქეთის მიერ ტერორისტულ დაჯგუფებად აღიარებულ „ქურთისტანის მუშათა პარტიის“ წევრებს ათენში, თურქეთის საელჩოსთან დემონსტრაციის გამართვის ნებართვა მისცა.
თურქეთის პრეზიდენტმა, რეჯეფ თაიფ ერდოღანმა რამდენიმე დღის წინ განაცხადა, რომ ანკარა, რომელმაც საბერძნეთი საჰაერო სივრცის დარღვევაში დაადანაშაულა, საბერძნეთთან მოლაპარაკებებს აჩერებდა. საბერძნეთმა და თურქეთმა სადავო საკითხების გადასაჭრელად მოლაპარაკებები ხუთწლიანი პაუზის შემდეგ გასულ წელს განაახლეს.