რუსეთი უკრაინის ქალაქ მარიუპოლში საკარანტინო რეჟიმს ქოლერას ეპიდემიის სავარაუდო აფეთქების გამო აწესებს, - ამის შესახებ მარიუპოლის მერის მრჩეველმა პეტრო ანდრიუშენკომ უკრაინულ მედიას განუცხადა.
„ჩვენ ვხედავთ, რომ ქალაქი იკეტება. სიტყვა „ქოლერამ“ გაიჟღერა ქალაქში, საოკუპაციო რეჟიმს შორის“,- განაცხადა ანდრიუშენკომ.
მისივე ცნობით, ქალაქში ჰუმანიტარული ვითარება სულ უფრო უარესი ხდება, საკვებისა და სასმელი წყლის ნაკლებობის გამო.
ცნობისთვის, მარიუპოლი რუსი ოკუპანტების ხელში მაისში რამდენიმეთვიანი ბლოკადის შემდეგ აღმოჩნდა.