რუსული არმია დონბასის მიმართულებით დამატებითი ძალების გამოყენებას ცდილობს, მაგრამ უკვე 103-ე დღეა და უკრაინული დონბასი მყარად დგას. ამის შესახებ უკრაინის პრეზიდენტმა ვოლოდიმირ ზელენსკიმ მის მორიგ ვიდეომიმართვაში განაცხადა.

ზელენსკის თქმით, სევეროდონეცკში სასტიკი ქუჩის ბრძოლები გრძელდება.

"ჩვენი გმირები სევეროდონეცკში საკუთარ პოზიციებს იკავებენ. ქალაქში სასტიკი ქუჩის ბრძოლები გრძელდება. ლისიჩანსკი, სლოვიანსკი, ბახმუტი, ავდიივკა, კურახოვე და რუსული დარტყმების სხვა მიმართულებები დღეს, დაპირისპირების ყველაზე ცხელი წერტილებია. რუსული არმია დონბასის მიმართულებით დამატებითი ძალების გამოყენებას ცდილობს, მაგრამ უკვე 103-ე დღეა და უკრაინული დონბასი დგას, მყარად დგას. ზაპოროჟიესა და მიკოლაევის მიმართულებითაც თავდაცვისთვის ყველაფერს ვაკეთებთ. მადლობელი ვარ ყველას, ვინც ოკუპანტების ძლიერ ზეწოლას უძლებს და იცავს ჩვენს სახელმწიფოს", - განაცხადა ზელენსკიმ.