ანგელა მერკელი განმარტავს, რატომ არ დაუჭირა მხარი 2008 წელს საქართველოსა და უკრაინისთვის ნატო-ში გაწევრიანების სამოქმედო გეგმის მინიჭებას

გერმანიის ყოფილი კანცლერის, ანგელა მერკელის განცხადებით, 2008 წელს საქართველოსა და უკრაინისთვის ნატო-ში გაწევრიანების სამოქმედო გეგმის მინიჭებას მხარი იმის გამო არ დაუჭირა, რომ ეს შესაძლოა, ზიანის მომტანი ყოფილიყო. ამის შესახებ ინფორმაციას გერმანული გამოცემა Deutsche Welle ავრცელებს.

სააგენტოს ცნობით, მერკელმა ინტერვიუში, 2008 წელს უკრაინისა და საქართველოს ნატო-ში გაწევრიანების შესახებ გამოხატული წინააღმდეგობა კიდევ ერთხელ დაიცვა. საუბარია ნატო-ს დაპირებაზე, რომ ორი ქვეყანა მომავალში რაღაც ეტაპზე ნატო-ში გაწევრიანდებოდა, მაგრამ „გაწევრიანების სამოქმედო გეგმის“ გააქტიურებაზე ალიანსმა უარი განაცხადა.

ამასთან, აპრილის თვეში უკრაინის პრეზიდენტმა ვოლოდიმირ ზელენსკიმ გერმანიის ყოფილი კანცლერი ანგელა მერკელი და საფრანგეთის ყოფილი პრეზიდენტი ნიკოლა სარკოზი გააკრიტიკა და განაცხადა, რომ მათი ნაბიჯი იყო აშკარად “არასწორი გათვლა“, რამაც რუსეთი „გაათამამა“. აღნიშნულთან დაკავშირებით მერკელმა განმარტა, რომ თუ ნატო ქვეყნებს ალიანსში გააწევრიანებდა, პრეზიდენტ ვლადიმერ პუტინს შესაძლოა, „უკრაინისთვის უდიდესი ზიანი“ მიეყენებინა, როგორიც საქართველოს შემთხვევაში, ბუქარესტში დეკლარაციის მიღებიდან 6 თვეზე ნაკლებ დროში მოხდა. მერკელის თქმით, ამ შეჭრამ 21-ე საუკუნეში ევროპის პირველ ომს პროვოცირება გაუწია.

მედიის ცნობით, მერკელმა უკრაინაში ნატო-ს წევრობის დაბლოკვის მიზეზად სისტემური კორუფცია დაასახელა.

„პრეზიდენტი ზელენსკი გაბედულად ებრძვის კორუფციას, მაგრამ იმ დროს, უკრაინა ნამდვილად იყო ოლიგარქების მიერ მართული ქვეყანა და ამიტომ არ შეიძლება, უბრალოდ თქვა, „კარგი, ხვალ ჩვენ მათ ნატო-ში შევიყვანთ“. ეს არ იყო ის უკრაინა, რომელსაც ჩვენ დღეს ვიცნობთ. ეს იყო უკრაინა, რომელიც პოლიტიკურად ძალიან გაყოფილი იყო. ეს არ იყო სტაბილური დემოკრატია და როცა ქვეყანას ნატო-ში იღებ, უნდა იცოდე, რომ მზად ხარ, რეალურად დაიცვა ასეთი ქვეყანა, თუ იქნება თავდასმა“, - განაცხადა მერკელმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა