სალომე სამადაშვილი პაპუაშვილს - ტყუილები და სიცრუე "ქართული ოცნების" ხელწერაა და სამწუხაროდ, გამონაკლისი არც თქვენ ხართ!

ტყუილები და სიცრუე "ქართული ოცნების" ხელწერაა და სამწუხაროდ, გამონაკლისი არც თქვენ ხართ! - ასე მიმართა პარლამენტის პლენარულ სხდომაზე სალომე სამადაშვილმა პარლამენტის თავმჯდომარეს. როგორც მან განაცხადა, შალვა პაპუაშვილმა საქართველოში ევროპარლამენტის რამდენიმე წევრი არ ჩამოუშვა, მათ შორის “ქართული ოცნების“ პარტნიორი პარტიიდან - "სოციალისტური პარტიიდან".

“ეს არის ის შემადგენლობა ევროპარლამენტარების, რომლებმაც უნდა გამართონ ე.წ. ჟან მონეს სახელობის პოლიტიკური დიალოგი, რაც ძალიან მნიშვნელოვანი ინსტრუმენტია და რასაც ევროკავშირი ფაქტიურად მხოლოდ კანდიდატ ქვეყნებს სთავაზობს. ამ დიალოგის შემოთავაზება საქართველოსთვის გამონაკლისი იყო. თქვენ მაშინ გვარწმუნებდით, რომ ევროპარლამენტის პრეზიდენტთან შეხვედრის შემდეგ, ჟან მონეს დიალოგი შედგებოდა. თქვენ ქალბატონ მეცოლას შეხვდით. მაინტერესებს, როდის იგეგმება ჟან მონეს დიალოგი, თუ იგეგმება?“ - მიმართა სალომე სამადაშვილმა პაპუაშვილს პარლამენტის პლენარულ სხდომაზე.

სამადაშვილის კიდევ ერთი კითხვა პრეზიდენტ ზელენსკის საქართველოს პარლამენტში მოწვევას ეხებოდა.

“თქვენ ბრძანეთ, რომ პრეზიდენტ ზელენსკის მსგავსი წინადადებით არ მოუმართავს. ზელენსკიმ ფაქტიურად ყველა დემოკრატიული ქვეყნის პარლამენტს მიმართა და ჩვენი ინფორმაციით, ყველა ამ პარლამენტმა მოიწვია ის თავად, სიტყვით გამოსასვლელად. რატომ დაიბლოკა ეს ინიციატივა, იმიტომ ხომ არა, რომ ეს იყო ჩვენი, ოპოზიციის და "ლელოს" ინიციატივა. საერთოდ, თქვენს სტატისტიკაში, რომელიც წარადგინეთ, საერთოდ არ ჩანს, რამდენი წინადადება გაითვალისწინა პარლამენტმა, რომელიც ოპოზიციიდან მოდიოდა? გუშინ კობახიძის გამოსვლასთან დაკავშირებით, რას ფიქრობთ, როგორც პარლამენტის თავმჯდომარე? ახალისებს თუ არა მსგავსი გამოსვლები ძალადობას, მათ შორის, ჩვენი კოლეგების წინააღმდეგ? ამ შემთხვევაში თქვენი აზრი მაინტერესებს როგორც პარლამენტის თავმჯდომარის და არა როგორც "ქართული ოცნების" პარტიის სპიკერის“, - განაცხადა სალომე სამადაშვილმა.

პარლამენტის თავმჯდომარემ პლენარულ სხდომაზე საკანონმდებლო ორგანოს საქმიანობის 2021 წლის ანგარიში და 2022 წლის სამოქმედო გეგმა წარადგინა. პლენარულ სხდომა კითხვა-პასუხის რეჟიმში გრძელდება.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა